తెలంగాణ ఉద్యోగులకు గుడ్‌న్యూస్‌.. రెండు డీఏల బకాయిల విడుదలకు జీవో

పెండింగ్‌లో ఉన్న ఆరు డీఏల్లో రెండింటి చెల్లింపునకు ప్రభుత్వం ఆదేశాలు

హైదరాబాద్‌: తెలంగాణ ప్రభుత్వ ఉద్యోగులకు ప్రభుత్వం శుభవార్త తెలిపింది. పెండింగ్‌లో ఉన్న ఆరు డీఏల్లో రెండు డీఏలను విడుదల చేసేందుకు ప్రభుత్వం ఆదేశాలు జారీ చేసింది. ఈ మేరకు డీఏ బకాయిల విడుదలకు సంబంధించిన జీవోను ప్రభుత్వం విడుదల చేసింది.

ఇటీవల పెండింగ్‌లో ఉన్న డీఏల్లో రెండు చెల్లించేందుకు ప్రభుత్వం అంగీకరించింది. తాజాగా ఆ రెండు డీఏలకు సంబంధించిన బకాయిలను విడుదల చేస్తూ ఉత్తర్వులు జారీ చేసింది.

అయితే రెండు డీఏలకు సంబంధించిన బకాయిలను ఒకేసారి కాకుండా విడతలవారీగా చెల్లించాలని ప్రభుత్వం నిర్ణయించింది. దీంతో దీర్ఘకాలంగా డీఏ బకాయిల కోసం ఎదురుచూస్తున్న ఉద్యోగులు, పెన్షనర్లకు కొంత మేరకు ఊరట లభించనుంది.

మిగిలిన పెండింగ్‌ డీఏలపై ప్రభుత్వం ఎలాంటి నిర్ణయం తీసుకుంటుందన్నది ఉద్యోగ వర్గాల్లో ఆసక్తిగా మారింది.